Dint’ ‘o quartier ‘e Furcella
ogni juorn ce sta na ‘uerra
s’allucca, se strilla,
ce se lass e ce se piglia.
A chillu tiempo, me ricordo,
ce steva ‘na ‘uerra pe ll’orgoglio
‘a Ricciulella se chiammava
e de Furcella era a cchiù bella
Don Pascuale e Don Peppino
s’annamurajene ‘e sta piccerella.
Don Pascuale era nu uappo
assaje scuro dind’ ‘o pietto
cu ‘a pistol semp appriess
faceva paura a tutt’ ‘e fess;
Don Peppino era nu tipin
cu ‘a panza stretta stretta ‘e rin
nun teneva che na cosa sola
na chitarra, na canzone e na voc ca cunsola.
Povera Ricciulella!
nata ‘a na stella troppa bella,
nun sapeva chi s’era piglià
nun sapeva a chi ‘o core eva dà.
Na sera a luna rossa
scetaje Furcella cu na mossa
tre colp’ fort’ afor ‘a port
e Don Peppino fue scetat
a Don Pascuale cu tutt’a scort.
“Scetate Peppin, fa ambress
c’a a morte già t’aspetta
cu ‘a veste nera se n’è venut
pe te fa schiattà, ‘n terra già perut!”
A ‘uerra è ‘uerra e s’adda fà
pecché dind’a vita sulo l’onore ce stà
“Aspettame Don Pascuà
ca mo me vest e sceng a m’a piglià!”
Muorz, paccheri e cavecioni
pizzichi, botte e paruloni…
Tutta Furcell fue scetat
da ‘o schiamazz ‘e sti mazzat
Ma l’ammore se sape
è comme l’onda d’o mare
va, vene e s’arriposa
nasce e more comme na rosa.
Mentre chill duje ancora se pigliavan
passa Annarella, n’ata bella stella
cu l’occhie ‘n terra e a vocc araputa
se scurdajene ra Ricciulella
e da ‘a luna che già se stuta!
Chest è chell che succer
dindo Furcella matin e ser
chi s’a piglia cu l’ammore
primma allucc e po’ se cunsol!